O Concello de Camariñas vén de iniciar as obras de reparación e conservación dun dos accesos ao Cemiterio dos Ingleses. A intervención céntrase nun tramo situado dentro da Rede Natura 2000 e conta cun investimento total de 15.000 euros.
Os traballos execútanse no marco das axudas destinadas á conservación, recuperación e rehabilitación do patrimonio natural e cultural, así como á sensibilización ecolóxica. Este proxecto está cofinanciado polo Fondo Europeo Agrícola de Desenvolvemento Rural (FEADER) a través do Plan Estratéxico da PAC 2023-2027 en Galicia.
A empresa adxudicataria encargada da execución das obras é Construcciones Ponciano Nieto.
