O portavoz socialista de Muxía, Iago Toba Campaña, anunciou a súa intención de pedir ao goberno local que adique parte dos recursos enviados pola Deputación a solucionar o problema de limpeza e conserxería nos tres colexios do municipio.
A iniciativa fíxose pública nunha reunión co deputado provincial e secretario xeral do PSdeG da Coruña, Bernardo Fernández Piñeiro, acompañado polo concelleiro Felipe Vilela.
Segundo explicaron os socialistas, o obxectivo é garantir que estes fondos se utilicen en necesidades concretas dos centros educativos, así como para acometer obras no municipio que beneficiarán á veciñanza.
O PSdeG lembra que, antes do inicio do curso, xa advertira sobre a importancia destes servizos nos colexios e que presentara unha moción para solicitar a contratación de persoal de limpeza e conserxería.
Toba destacou tamén que, durante a etapa en que gobernaron, a maior parte do Plan de Obras e Servizos (POS) dedicábase a actuacións nos núcleos rurais e no centro urbano de Muxía.
