Coincidindo coa posta en marcha dunha campaña de concienciación ambiental por parte de asociación Mar de Fábula e o concello de Camariñas, representantes do grupos políticos con representación no pleno asinaron unha declaración conxunta.
Sandra Insua(PSOE), Paula Mouzo (PP) e Ana Pasantes(BNG) asinaron unha declaración co seguinte texto.
“Os grupos políticos municipais do concello de Camariñas abaixo asinantes, asumen a necesidade de traballar unidos pola limpeza e protección da nosa contorna litoral e do espazo común no que se desenvolve a nosa vida diaria, a fin de reforzar a nosa autoestima colectiva e respecto mutuo e deixar un futuro sostible ás vindeiras xeracións”.
Paula Mouzo, como deputada autonómica, mantivo un encontro con representantes de Mar de Fábula, aproveitando para pór en valor o traballo desta entidade e a necesidade de iniciativas de concienciación.
