O presidente da Deputación da Coruña, Valentín González Formoso, visita este xoves 20 de agosto Camariñas para supervisar as obras do futuro Museo dos Naufraxios e visitar as instalacións da conserveira Cerdeimar, nun percorrido con dúas paradas na vila.
O acto inicial está previsto ás 12.15 horas na antiga lonxa de Camariñas, no peirao do Curbeiro. Nese enclave, o presidente provincial supervisará a primeira fase dos traballos que se executan no edificio, acompañado pola alcaldesa, Sandra Insua, e por membros do goberno municipal.
A intervención ten como obxectivo transformar a antiga lonxa no futuro Museo dos Naufraxios.
Visita Grupo Cerdeimar
A continuación, González Formoso e Insua desprazaranse á fábrica que o Grupo Cerdeimar ten en Camariñas. Alí estarán acompañados por Juanma Montes, representante de Family Cash, grupo propietario da conserveira, e por Domingo Fernández, director da planta de Cerdeimar na localidade.
Foto arquivo- González Formoso e Sandra Insua
