Camariñas celebra esta fin de semanan unha nova edición de «O Encaixe no Camiño» e da Festa do Marisco.
Os actos comezaron este o venres 24 de xullo coa apertura dos postos medievais e a ambientación musical.
Actividades do sábado
O sábado 25 de xullo, ás 11.30 horas, sairá a comitiva desde a Casa de Pedra cara ao porto para recibir ao “Rei”. Ás 12.00 horas terá lugar a presentación dos actos, o desembarco do Rei Afonso IX e unha recreación teatral da súa chegada.
Pola tarde, ás 19.00 horas, abrirá a Festa do Marisco na Praza do Mercado, e ás 20.00 horas actuará o grupo «O Tren da Unha», acompañado de xogos populares e actividades musicais.
E o domingo
A programación continuará o domingo 26 de xullo cunha andaina que partirá ás 09.30 horas desde a Praza do Mercado acompañando ao Rei Afonso IX ata Cereixo, con paradas en Xaviña e Cereixo para representacións teatrais.
Ás 18.30 horas terá lugar no porto unha nova recreación histórica coa chegada da dama italiana que, segundo a tradición, ensinou a técnica de palillar. A xornada rematará cun desfile de moda na rúa e coa presenza de palilleiras mostrando o seu traballo en directo.
O evento está organizado pola Asociación de Empresarios e de Promoción Turística de Camariñas, conta co patrocinio da Deputación da Coruña e coa colaboración do Concello de Camariñas, confrarías de pescadores, agrupacións de palilleiras e entidades locais.
Este sábado na área recreativa do Ariño (Xaviña) celébrase a Festa da Praia.
