En Camelle anuncian a preparación do “bocadillo máis grande da Costa da Morte”. A cita será este sábado 8 de agosto de 2026 a partir das 21:30 h no Bar Estanco desta localidade.
Os promotores agardan que esta convocatoria sexa unha noite de “celebración gastronómica con moito ambiente e ganas de compartir”.
Raxo, pementos asados e patacas fritidas
Desde o Bar Estanco comentan os detalles deste macro-bocata: “O bocadillo superará os 12,60 metros do 2025, será de raxo, pementos asados e patacas fritidas, todo natural, e feito por nós no Estanco”.
Agardan superar as 260 racións repartidas o ano pasado. Nesta iniciativa colaboran os catro traballadores do establecemento: Luis, Andrea, Casilda e Alberto. E contan co apoio de amigos voluntarios.
