O concello de Camariñas difundiron, a través das redes sociais “consellos para previr estafas na porta da casa” para saber “como actuar se alguén se presenta na túa casa facéndose pasar por persoal dunha compañía eléctrica (ou de calquera outro servizo) e che pide diñeiro ou datos”.
As recomendacións son as seguintes:
- Non abras a porta a ninguén que non esperabas.
- Non pagues nada en man nin asines documentos na hora.
- Non facilites datos persoais nin bancarios, nin o número do teu contrato.
- Pide identificación e, se tes dúbidas, chama directamente á túa compañía co teléfono que figura na túa factura.
- Consulta cun familiar ou veciño de confianza antes de tomar calquera decisión. Se algo che parece sospeitoso, avisa á Garda Civil no 062 (ou no 112 en caso de emerxencia).
Desde o concello informan que a alcaldesa, Sandra Insua, contactou coa Garda Civil para organizar unha charla informativa o vindeiro 27 de novembro.
Esta semana a portavoz do Partido Popular, Paula Mouzo Mas, solicitaba medidas ante a “ existencia de posibles estafas relacionadas coa renovación dos contratos de electricidade”.
