A parroquia de Ponte do Porto, no concello de Camariñas, celebrará os días 15 e 16 de agosto a Festa de San Roque 2026, organizada pola Comisión de Festas da Ponte do Porto e coa colaboración do Concello de Camariñas.
San Roque Ponte do Porto- Sábado
O programa do sábado 15 de agosto arrincará ás 16:30 horas cunha exhibición de bailes flamencos a cargo do Grupo Triana. Ás 17:15 horas terá lugar unha masterclass de zumba, impartida por dous monitores.
A xornada continuará ás 18:30 horas cunha festa da escuma e, ás 19:00 horas, cunha cucaña. Ás 20:00 horas está prevista unha churrascada e, a partir das 21:00 horas, unha animación musical a cargo de Delfín.
San Roque- Ponte do Porto- Domingo
O domingo 16 de agosto comezará ás 13:00 horas cunha misa solemne en honra de San Roque, seguida dunha procesión coa participación do Grupo de Gaiteiros da Ponte.
A xornada continuará cunha sesión vermú e unha gran verbena a cargo do Grupo Alaska, que lidera o muxián Toni Otero. Tamén estará a disco móbil CDC. Ás 20:00 horas terá lugar unha exhibición de bailes latinos, có bailarín porteño Andrés Parga como protagonista.
