Os orzamentos da Xunta de Galicia para 2026 destinan unha partida de 965.112 euros para unha actuación completa no CEIP O Areal de Camariñas. Na valoración das contas, a deputada autonómica Paula Mouzo Mas e o deputado Rubén Lorenzo, do Partido Popular, fixeron unha valoración moi positiva destas contas destacando o “gran protagonismo” da Costa da Morte.
8 millóns de euros para a Autovía
Este investimento en Camariñas é unha das novidades das contas autonómicas para o vindeiro ano, que con respecto a Ría de Camariñas tamén recollen unha previsión de 8 millóns de euros de investimento para a Vía de Alta Capacidade da Costa da Morte.
Santuario Virxe da Barca
Outra actuación recollida é a rehabilitación do Santuario da Virxe da Barca de Muxía, con 370.000 euros, así como unha partida para a mellora dos departamentos de usuarios no peirao de Camariñas (10.000 euros).
Ademáis nos orzamentos tamén se recollen programas e partidas xenéricas que terán o seu impacto nos concellos de Camariñas, Vimianzo e Muxía, como o Plan Camiña Rural, Bono Concilia, ou o apartado de turismo.
Na foto de portada, a deputada autonómica da Costa da Morte, Paula Mouzo Mas (PP) nunha entrevista reciente co Secretario Xeral de Educación, Manuel Vila. (Imaxe- Facebook PP de Camariñas).
