Esta fin de semana apareceron mortos cinco exemplares de galopato (galafate, loro de mar), coñecido en castelán por frailecillo, un ave mariña de longo recorrido que nestas datas chega desde as illas Británicas arrastradas polo temporal.
Nas praias de Camariñas e Muxía podemos ver aves mariñas que chegan extenuadas cando loitan con temporais, como corvos mariños, alcas, araos, pahiños, galopatos. Pero moitas chegan con manchas de chapapote no peito, vítimas de sentinazos, ou morren pola inxesta de microplásticos.
Traba de Laxe é un dos humedais senlleiros da Costa da Morte que serve de refuxio a moitas aves mariñas invernais procedentes do mar do Norte e incluso do Ártico americano. Este mes novos humedais aparecen na lista de espazos protexidos, entre eles a ría do Porto, tramo interior da ría de Camariñas que comprende as parroquias de Ponte do Porto, Cereixo e Leis.
