O Partido Popular anunciou a posta en marcha dunha “Liña Veciñal” vía Whatsapp co número 698 92 00 15.
Segundo comenta a portavoz, Paula Mouzo Mas, “ultimamente estamos recibindo mensaxes, vídeos e fotografías remitidas por veciños que nos informan de deficiencias que existen, lugares abandonados por este goberno do PSOE, ou que nos achegan ideas. Co obxectivo de ordenar e canalizar toda esta información abrimos unha liña de Whatsapp”.
Mouzo recorda que tamén contan con presenza en Facebook e Instagram e que “o meu teléfono e o dos membros do noso grupo están a disposición da nosa xente, pero quixemos dar un pasiño máis e ofrecer un novo servizo á cidadanía”.
Malestar polos impostos
A portavoz local confesa que nas últimas datas están recibindo queixas pola suba de taxas e impostos municipais. Lembra que o Partido Popular votou en contra desta suba “desproporcionada”.
“Entendemos o malestar que hai en Camariñas. Xa vimos dicindo que os veciños están pagando a mala xestión do PSOE. Eles gobernan mal pero pagamos entre todos. Estou convencida de que hai outra forma de gobernar. Hai que gastar con control , xestionar con eficacia e sen asfixiar os bolsillos dos contribuíntes” declarou Paula Mouzo.
