O Xefe de servizo de Formación da Xunta, Javier Campa, e as alcaldesas de Camariñas, Sandra Insua, Vimianzo, Mónica Rodríguez e o rexedor muxián, Iago Toba, presentaron o quinto obradoiro dual “Camiño ao Emprego”, nun acto celebrado en Muxía.
Nesta edición hai dúas especialidades: limpeza en espazos abertos e instalacións industriais e operacións auxiliares de revestimentos continuos e construción.
A iniciativa, de 12 meses de duración, desenvólvese desde o pasado mes de decembro, con vinte alumnos.
A Consellería de Promoción do Empego e Igualdade achegou preto de medio millón de euros para facer realidade esta iniciativa. As empresas poderán contar coas alumnas e alumnos deste programa grazas ós incentivos de contratación do goberno autonómico.
Ao longo destes primeiros meses de formación, o alumnado realizou diferentes tarefas en distintos lugares dos tres municipios, como o Centro de Iniciativas Empresariais do Concello de Camariñas, o revestimento dos paramentos interiores e exteriores da escola de Bamiro, diferentes actuacións de limpeza no núcleo urbano de Camariñas, no parque empresarial de Vimianzo, na escola de Carantoña, ou os da contorna de Bamiro e de Cambeda.
No Concello de Muxía as actuacións darán comezo a vindeira semana. Entre outras, procederase á limpeza da zona do ‘Coído’, un espazo moi concorrido e onde se localiza o parque infantil máis grande do municipio e un parque biosaudable.
